تحميل متصفح فيرفكس - شرح متصفح فيرفكس بالصور

طبعا متصح فيرفكس معروف و مشهور و يتميز بسرعته في التصفح و سهولة استخدامه و امكانياته
العالية .. و عشان كذا حبيت اضع شرح بسيط عن طريقة تثبيت متصفح الفيرفكس بالصور و انصح
اي عضو يعاني من مشاكل في التصفح سواء هنا في المنتدى او غيره من المنتديات بتجريب هذا
المتصفح و ان شاء الله سيجد الفارق كبير ..

بسم الله نبدأ ..

اول شي لازم نحمل متصفح الفيرفكس وطبعا الى وقت كتابة هذ الموضوع اخر اصدار معتمد نزل
هو الاصدار الخامس .. و لتحميل هذا المتصفح يجب عليك الضغط على الرابط التالي :

اضغط هنا للتحميل_تحميل برنامج فايرفوكس آخر إصدار من موقعه الرسمي مجانا

بعد تحميل البرنامج راح نجد الايقونة التالية في المكان اللي حفظنا فيه المتصفح و الايقونة بالشكل
هذا طبعا :



نضغط على الايقونة مرتين يعني دبل كليك لتثبيت البرنامج ..

بعدها راح تجينا النافذة التالية :



طبعا نضغط على ( التالي ) ..



طبعا نختار الخيار الاول ( قياسي ) و بعدها ( التالي ) ..



هنا يسألك هل تبي متصفح الفيرفكس هو متصفحك المبدئي ؟ اي : الافتراضي ..
يعني معناتها هل تبي اي شي تدخله عن طريق الانترنت يكون من خلال هذا المتصفح ؟

طبعا الافضل تأشر بعلامة صح في الفراغ .. بعدين اضغط على ( ثبت )



طبعا يتم التثبيت في دقيقه او اقل يعني ما يطول في الغالب ..



بعد كذا .. تطلع لك هذي النافذة اللي تخبرك انه تم تثبيت الفايرفكس بشكل نهائي و بنجاح ..
اضغط على ( انه ِ)

طبعا راح تطلع في الغالب مثل هذي النافذة :



و هو يسألك هل تبي تستورد المواقع اللي انت حافظها في مفضلة الاكسبلورر ..
يعني يقوم بنقل كلمات السر و المحفوظات في الاكسبلورر ..

طبعا انا اخترت ( لا تستورد شيء ) لاني ما ابي شي من محفوظات الاكسبلورر معاي ..
نضغط على ( التالي ) ..



راح تفتح هـ الصفحة و اللي معناها انه الحين انت جالس تستخدم متصفح الفيرفكس ..

طبعا عشان اطلع ( شريط القوائم ) اللي يضم خيارات المتصفح مثل (ملف .. تحرير.. ادوات ...الخ)

اضغط بزر الماوس الأيمن في الاعلى في المساحة الفاضية فوق .. و اختار ( شريط القوائم ) مثل كذا :



لاحظوا معي طلعت الخيارات اللي فوق اللي هي ( ملف .. تحرير .. عرض .. تأريخ .. علامات .. أدوات .. مساعدة )

اهم شي لازم تعرفونه أن ( علامات ) معناها : المفضلة .. يعني المواقع اللي تحفظها في المفضلة
في الاكسبلورر مثلا هنا يحفظونها في شيء اسمه ( علامات ) وهي نفس الشيء المفضلة ..

طبعا ادخل اي عنوان مواقع في شريط البحث فوق مثلا ادخل عنوان منتدانا vb.m3m7.com



اذا فتح المنتدى و حبيت تضيفه في ( علامات ) يعني في المفضلة حق الفيرفكس اضغط بزر الفأرة
الايمن و اختر ( علم هذه الصفحة ) يعني احفظ هذه الصفحة و تلاقيها في ( علامات )



طبعا نضغط على ( تم ) لحفظها في ( علامات )

طبعا نشوف الحين اذا رحنا لـ ( علامات ) نلاقي المنتدى محفوظ و موجود اي وقت نرجع له :




طبعا ممكن أحد يسأل يقول ابي اضع قوقل الصفحة الرئيسية للمتصفح .. بحيث اني اول ما افتح
المتصفح يطلع لي قوقل .. و هذا شيء سهل .. كل ما عليك التالي :

من الخيارات الموجودة في الاعلى نختار ( أدوات ) ثم اختيار اخر شي و هي ( خيارات )



بعد كذا يفتح لنا التالي :



من ( عام ) اللي هي الاختيار الاول فوق .. نضع في خانة ( الصفحة الرئيسية ) عنوان الموقع
اللي نبيه يكون اول موقع يفتح لي اذا فتحت متصفح الفيرفكس و مثلا نضع عنوان محرك البحث
الشهير قوقل : Google


و بكذا نكون انهينا شرحنا البسيط لمتصفح الفيرفكس و انصح الجميع باستخدامه ..


ملاحظات بسيطة /

- معنى ( اختر الكل ) : يعني ( تحديد الكل )



موفقين ..